欢迎光临五月诗笺

 首页 | 评论 | 诗歌 | 散文 | 古典诗词 | 诗意小说 | 菁菁校园 | 海外心羽 | 八面来风 | 精品原创 | 个人诗文集 | 诗文竞技 | 散文诗 | 诗社公告收藏本站 设为首页
 您的位置>>五月诗笺>>八面来风>>九峰山歌歌词(续)
 
九峰山歌歌词(续)
  文 / 刘会明
(32)

鲤鱼唔怕网来拦,

妹子连郎唔怕难,鲤鱼唔怕网来拦。
水深涯会石下钻,水浅连跳二三滩。

新做大屋玻璃窗,唔怕雨来唔怕风。
只要二人心甘愿,唔怕名声出广东。

北乡行下乐昌城,名声越大越爱行。
有情唔怕名声大,最怕有隋担臭名。

韶关过去就花坪,交情就系出了名。
初一架桥十五过,唔曾想到就有行。

大路同行大路归,唔怕旁人讲是非。
杉树尾上晒灯草,真心唔怕大风吹。

烧窑唔怕火烧天,连妹晤怕人闲言。
别人爱讲由但讲,讲得多哩柜会懒。

禾镰唔利唔割禾,竹筏唔软唔织箩。
连妹就要连到底,唔怕旁人是非多。

别人爱讲涯唔听,两人有情就爱行。
情义好比糖蔗甜,甜到心肝甜到颈。

唔怕别人讲短长,越讲两人情越长。
好像门前桂花树,大风越吹花越香。

阿哥连妹系真情,妹莫听信旁边人。
四斤苎麻纺条线,永久唔断这条情。

高山顶上种香蕉,根深唔怕大风摇。
阿哥有情妹有义,唔怕旁人两面刀。

洞头洞尾传名声,真心有情心唔惊。
交情唔怕旁人讲,别人越讲事越成。

一一-一

(33)

血水淋身也爱行

新做大屋白莹莹,一对金鸡瓦上行。
瓦片割断金鸡脚,血水淋身也爱行。

唔怕死来唔怕生,唔怕别人劈脚踔。
劈了脚蹿有脚趾,两人有命总爱行。

上系石壁下系潭,左系崩岗右系岩。
总爱二人心甘愿,上天有路也爱行。

郎系有情妹有恃,敢连妹子怕哪人。
担竿头子挽菩萨,有事阿哥会担神。

两人相好分唔开,唔怕爷来唔怕娘。
唔怕家规家法严,总爱同郎做一堆。

连郎唔怕担铁枷,唔怕门前拦路驼。
除去阎王有火鬼,天塌下来笠麻花。

高岭头子一棵松,唔怕雨来唔怕风。
总爱老妹敢做主,铁打狮头郎爱东。

砖砌墙头层数层,唔怕祖宗家法严。
十枚钻子九枚顶,一身钻烂也要连。

哥唔怕来妹唔怕,灯草做鞋放心行。
天大事情妹敢顶,铁打担竿妹会担。

郎有情来妹有情,两人有情怕哪人。
郎系有事妹担当,妹系有事郎担承。

偏偏洗来偏爱浆,偏爱浆洗郎衣裳。
铁钳专夹红火屎,罩捞专捞滚粥汤。

妹子敢做也敢当,唔怕利月白常常。
利刀架颈刀下过,一朝有命总爱郎。

话哩爱连就爱连,唔怕叔公在面前。
十二张刀架在颈,血水淋身也爱连。

(2017.10.8整理)
2017/10/9 12:03:21 发表 | 责任编辑:冯春华
本文共有评论 0 篇︱已被阅读过 50 次    查看本文的评论
 
网上大名:

评论主题:

您的评论:
 
验证码: 2011  

 
友情链接: 武江起航网络┋CNH个性网址航┋诗歌报汝莲茶分销平台阿君软件工作室SEAGATE女子诗报韶关新闻网韶关民声网
名誉社长桂汉标社长冯春华┋诗社Email:fch928@163.com 五月诗笺微信公众号:maypoetry ┋ 网络技术:SEAGATE

作品版权所有,任何媒体亦可转载,但必须署明作者及本站网址!
Copyright © 2008-2029 五月诗社 All Rights Reserved. 粤ICP备18056035号-3