欢迎光临五月诗笺

 首页 | 评论 | 诗歌 | 散文 | 古典诗词 | 诗意小说 | 菁菁校园 | 海外心羽 | 八面来风 | 精品原创 | 个人诗文集 | 诗文竞技 | 散文诗 | 诗社公告收藏本站 设为首页
 您的位置>>五月诗笺>>八面来风>>九峰山歌歌词(65)
 
九峰山歌歌词(65)
  文 / 刘会明
65
终有凤凰飞到来

上山砍柴步步高,唔系好柴唔开刀。
唔系好藤涯唔割,唔系好妹涯唔交。

猪肉坩靓妹有钱,哥系咐好妹有缘。
咐好竹山别人D既,情愿上山抽葛藤。

天像落水起乌云,又想落水又想晴。
涯今司你嘛主意,又想断情义想行。

铁打荷包口难开,纸煤打火爱有煤。
钵头食饭妹唔敢,冷水當d鸡梆唔来。

一只鸡子许三神,许了阿哥许别人。
上下见到唔相问,面敖面壁仇哪人。

妹系唔肯有问题,相思得病你正知。
日后阿哥开药店,花边沾手涯唔医。

水往低流人往高,烂扇有风妹莫摇。
笠麻有顶妹唔戴,有情阿哥妹唔交。

你系要断只管断,别地还有嫩心肝。
湖洋田子种竹子,三年有水唔会旱。

哥要断情只管断,无情阿哥有相干。
阿妹好比大河水,有你圳水唔怕旱。

你唔连涯有人连,深山树木有藤缠。
黄蜂唔曾种花树,满山都系但花园。

河边洗衫石上搓,有你番碱洗茶枯。
先日有你也敢过,砂煲装酒唔在壶。

看天唔系落雨天,看妹唔系涯姣莲。
系涯姣莲看得出,路上撞到笑连连。

四钱牛肉煲碗汤,准菜出台假大方。
四刀猪蹄炖碗肉,有纸灯笼吊有框。

隔夜猪肉唔新鲜,莫来当做宝贝般。
咐好花灯上街卖,月半过后唔值钱。

妹子好比三月苞,害涯满山扳到交。
晓得你系喵酸涩,等你树上沤到燥。

你也唔使喵吊腔,涯也唔使你来帮。
大船唔行小溪水,贵脚唔踏贱地方。

你也唔使眼嗟嗟,涯也唔食你家茶。
颈渴涯会食冷水,肚饥涯会转屋家。
一一一一

66
冷水泡茶唔出味

为何问妹问唔应,今日问妹唔答人。
天地神明要有眼,雷公爱打反心人。

讲讲笑笑就话交,问你面皮晓唔晓。
三耙两齿就话莳,你莫浪费涯秧苗。

新买绣鞋菊花边,旧年想妹到今年。
百般好话都讲尽,六月火炉唔近前。

人才唔好妹唔贪,隔海渡船难近岸。
滚水拿来准水泼,日头喵辣也撞淡。

松树打籽一球球,到处树山有水流。
处处青山有水转,样般阿妹咐难求?

井里撑船难转弯,难得转弯来出岸。
人才唔中妹介意,黄金堆满也好闲。

豆腐有肉唔成羹,有个事情话唔成。
冷水泡茶唔出味,食落肚里也还冷。

你系唔肯有相干,各人饭碗各人端。
莫话圆讲话到扁,莫话甜岷话到酸。

你系唔肯唔苦压,两家心愿正来行。
两家心愿正长久,苦压感情有久行。

(根据录音整理2017.10.15)
一一一一







2017/10/16 8:07:36 发表 | 责任编辑:冯春华
本文共有评论 0 篇︱已被阅读过 62 次    查看本文的评论
 
网上大名:

评论主题:

您的评论:
 
验证码: 7203  

 
友情链接: 武江起航网络┋CNH个性网址航┋诗歌报汝莲茶分销平台阿君软件工作室SEAGATE女子诗报韶关新闻网韶关民声网
名誉社长桂汉标社长冯春华┋诗社Email:fch928@163.com 五月诗笺微信公众号:maypoetry ┋ 网络技术:SEAGATE

作品版权所有,任何媒体亦可转载,但必须署明作者及本站网址!
Copyright © 2008-2029 五月诗社 All Rights Reserved. 粤ICP备18056035号-3