49
茶油煮菜莫嫌斋
妹子约郎到凉亭,泡好细茶会情人。
劝哥莫去论茶色,进口落肚味道清。
劝妹心里爱真诚,同涯相好莫同人。
两人相好本份事,勾勾搭搭人看轻。
茶油煮菜莫嫌斋,妹系有心莫嫌郎。
手指伸出有长短,莲花出水有高低。
门前梨树晒花鞋,有心连妹莫嫌涯。
总爱老妹有心意,千斤担于郎要担。
妹莫嫌涯有心肝,石灰粉壁心里专。
毛兰褂子狸皮袄,着哩正知咐温暖。
苏州锣鼓好声音,涯郎言语值千金。
郎既言语纸包起,年长月久妹记心。
一一一一
50
只怨自家有眼珠
钝刀拿来石上磨,你要断情莫去拖。
快刀斩麻一刀切,心痛肚痛一下授。
七月过哩八月秋,当年丢了当年情。
瞎子过桥跌下水,只怨自家眼唔明。
半山腰上一坵禾,鸟子又食贼又掳。
看至心肝人又走,善人唔奈恶人何。
单层褂子系有理,你系爱断也好哩。
衫袖拿来驳裤脚,仔细看真连差哩。
话哩唔行就唔行,阿哥好比硬铁钉。
阿哥好比三孔锁,一话断情滴答声。
先讲交情长久交,你今交到半中腰。
大风吹断麻竹笋,有头有尾得人恼。
一一一一
51
竹在深山鱼在水
姜公钓鱼石上坐,一心挂念介条河。
阿哥有心挂念妹,阿妹有心挂念哥。
入山倒竹做钓竿,心想连你系艰辛。
竹在深山鱼在水,样得你来近郎身。
塘里鱼子别人鲤,妹子叫好别人妻。
灯草拿来做细布,有得‘隋义枉心饥。
一阵鲤鱼跟水上,阿哥看到心发痒。
手拿鱼网丢下水,咐好鲤鱼走到光。
(2017.10.12整理于南海保利)
一一一
|