55 你要讲回原话来
天爱落水莫怨天，记得当初是晒田。
今日方情来反面，爱记当初枕上言。
糕饼好食纸还在，你要包转原样来。
先日讲既麻介话，你要讲回原话来。
久哩唔见系较争，听妹言语雪咐冷。
鸡仔来寻鸭子嬲，涯讲下来你讲上。
当日交情样样贪，如今断情样样嫌。
麻石探桥你做个，样般今日就废言。
讲起因端你在先，心甘情愿正来连。
今日你讲断情事，半夜上天黑了天。
妹要断情大家愁，当初那人起源头。
绿竹织箩从底起，食水要讲水源头。
先日爱涯暖温温，口水拿来当茶吞。
今日来讲断情事，县官难判心难忍。
一一一一
56 有钱买酒酒壶空
有钱买酒酒壶重，存钱买酒酒壶空。
有钱问妹声声应，有钱问妹诈耳聋。
有钱有食笑嘻嘻，一次有钱诈唔知。
先日有钱心肝肉，今日有钱衰鬼哩。
荒地种菜草先生，有钱连妹系较争。
手拈花边六钱七，一摆就被妹看轻。
乐昌上来九峰桥，唔曾得过郎功劳。
裙衫唔曾做一件，绉纱唔曾买一条。
三廊出来九峰桥，唔曾得过妹功劳。
眼镜唔曾买一副，手巾唔曾买一条。
九十九两六个三，好食妹子涯唔贪。
去年连个好食妹，害涯今年着烂衫。
先日连妹嘴就乖，龙肝虎胆哥爱买。
烂布唔曾见三寸，粗糠喂鸡戏弄涯。
三鸡公打架嘴先来，唔知老妹咐贪财。
阿哥唔系摇钱树，年长月久哪里来。
一一一一
57 断情大路免郎行
有隋妹子唔好交，如同山中雪打蕉。
好像高山雪打树，条条新到半中腰。
阿哥进坑妹出坑，你系断隨要早声。
你系断情要早话，断情大路免郎行。
高棚睡觉系高眠，看清妹子连过人。
贴差门神难转面，鼠咬棉纱会断情。
有油煮菜难杀青，有情妹子唔好行。
水打灯草门前过，如今收心也较赢。
园里割到假苋菜，打错主意连错妹。
早知妹子情咐短，出水莲花也唔爱。
挖塘拆屋住唔下，因为姣娥拆散家。
四七打作二十七，过后怎知算打差。
一一一
58 一蘸日头一蘸水
隔远听到崩岗声，看紧有行又有行。
一蘸日头一蘸水，看紧有晴又有晴。71
八月秋江唔过坪，东边落水西边晴。
阿妹一心打两意，又想断情又想行。
灯草拿来吊油盒，虽然唔断得人惊。
烂鞋拿到补还转，唔曾想到还有行。
哥爱落水妹爱晴，哥爱断情妹爱行。
交情就系哥心愿，断情也爱妹名声。
讲笑唔好讲伤悲，搔痒唔好搔脱皮。
上昼南风下昼北，天变一时就系你。
（2017.10.13录音整理）
一一一一 |
