6O
问你不回枉我言
一树柑子半树黄，摘个柑子拿妹尝。
双手拿妹妹唔接，哪样唔合妹心肠？
千句问你诈唔知，哪样事情得罪你？
总爱妹子一句话，涯会认错赔个礼。
问你唔回枉我言，笠麻烂筐枉蔑缠。
石壁下秧空下种，有针有线打空连。
菩萨神像唔作声，两行横屋妹有厅。
哑子娶妻有话讲，雪打灯草心滑冷。
三步行来二步企，一心一意来等你。
等到你来有话讲，灯草织布枉心机。
问你唔声枉哥言，烂箩有筐枉哥缠。
纱线拿来做衫着，钩针缝线枉哥连。
往日见面笑呵呵，今次见面话都有。
大风吹断松树桠，你爱断情唔奈何。
咐好老酒也会酸，咐好湖洋也会旱。
连妹连到有情义，叫好待你也会断。
一一一一
61
等郎等到五更深
等郎等到五更头，一冇灯芯二冇油。
一双鞋都做好，等郎唔到枉费心。
急水滩头打虾公，十次打来九次空。
次次约郎有面见，哪有咐多闲人工。
约郎一次又一番，唔知约到哪时间。
牛郎织女有相会，样般约郎咐艰难。
约了郎来妹唔来，害涯饭菜沤起霉。
饭菜沤坏还较得，急坏阿妹哥你赔。
次次约郎冇次真，石灰撒路起自尘。
打时问仙同鬼讲，神前烧香烟死人。
一一一一
62
山遥水远路难通
日头一出东边红，郎在西来妹在东。
一心都想同妹嬲，山遥水远路难通。
有咐怪来有咐奇，有信去哩有信回。
竹子生尾多一节，柑子生虫桔坏哩。
九皮篾青九皮囊，久见姣蓉面较光。
铁树开花难得见，露水泡茶难得尝。
松树断尾再唔高，旧年同妹到今朝。
一年都有三转嬲，莨基盖屋差过茅。
隔河连妹难近身，想去过河水又深。
想变老鹰又有翼，想变鲤鱼又有鲤。
{根据民间歌手口述录音整理2017.10.14}
一一一一 |
