82
我唱山歌肚中来
男:
涯唱山歌肚里来,口字加水就系呆。
山歌虽然唱唔好,莫笑阿哥信门开。
女:
莫笑阿哥信口开,隔夜馊饭难落颏。
阿哥要食新鲜饭,妹会起火煲滚来。
男:
妹会起火煲滚来,四盘八碗摆满台。
香菇鱿鱼要多放,芹菜蒜子莫搭来。
女:
芹菜蒜子莫搭来,鱼丸肉丸堆打堆。
皮你食到最满意,包你食到喊畅颏。
男:
包你食到喊畅颏,酒在手中肉满台。
爱酸爱甜随妹意,爱肥爱瘦任你来。
女:
爱肥爱瘦仼你来,长乐烧酒系重台。
孔明归仙妹无量,阿哥唔好紧斟来。
男:
阿哥唔好紧斟来,铁打荷包口难开。
柑子来寻桔子嬲,姻缘有份涯才来。
女:
姻缘有份涯才来,捡到柑子要留在。
红皮白肉得人爱,嘱哥唔好就来开。
男:
嘱哥唔好就来开,柑子放久会发霉。
阿哥越看心越想,唔当新鲜拿来开。
女:
唔当新鲜拿来开,柑子食哩皮留在。
桂在心头来留起,又好止咳做药材。
男:
又好止咳做药材,同哥越唱难下台。
妹子有事要先走,请你下次又再来。
女:
请你慢慢唱等你,单只鸟子目难开。
要走阿哥送你走,好比山伯送英台。
男:
好比山伯送英台,噌好人情领到来,
两人牵手就来去,换过一场好戏来。
一一一一2017.10.23整理 |